“FINCA AZERBAIJAN” QBKT-nın MÜŞAHİDƏ ŞURASI
ZAR WARDAK
Müşahidə Şurasının Sədri
Zar Wardak
Zar Wardak hazırda FINCA Impact Finance-in Şərq bölgəsi üzrə vitse-prezidenti və şöbə müdiridir və O, şəbəkənin Şərqi Avropa, Orta Şərq və Cənubi Asiya bölgələrindən 7 ölkədəki fəaliyyətinə rəhbərlik edir. Diviziya rəhbəri vəzifəsinə başlamazdan əvvəl Zar, Orta Şərq və Cənubi Asiya Bölgəsi üzrə Regional Direktor vəzifəsində çalışmış və digər uğurlarından başqa, hazırda FINCA Pakistanın 100.000-dən çox bank müştərisi tərəfindən istifadə olunan “SimSim” mobil cüzdan tətbiqinin istifadəyə verilməsinə kömək etmişdir.
Zar Wardak, eyni zamanda FINCA Əfqanıstanın baş direktoru vəzifəsində çalışmışdır. FINCA-ya qoşulmazdan əvvəl Zar, Əfqanıstanda maliyyə xidmətləri sənayesi məsləhətçisi olaraq çalışmış və eyni zamanda ABŞ-da Citibankda Texas Regional Satış İnteqrasiya Direktoru vəzifəsində çalışmışdır. Kanzasdakı Southwestern Kollecində Beynəlxalq Biznes üzrə bakalavr və Virciniya Fairfaksdakı George Mason Universitetində Sülh Əməliyyatları üzrə Elm Magistr dərəcəsi almışdır.
JERROLD SMELCER
Müşahidə Şurasının Üzvü
JERROLD SMELCER
Jerrold sürətli iqtisadi inkişafla məşğul olan maliyyə müəssisələrində strateji inkişafın təşviqi üçün cavabdehlik daşıyıb və iqtisadi tənəzzül, kəskin yerli valyuta devalvasiyaları və sektor daxilində qeyri-işlək kreditlər kimi ölkədaxili əməliyyat problemlərini aradan qaldırmaq üçün struktur dəyişikliklərin həyata keçirilməsi prosesinə rəhbərlik edib.
O, Amerika Birləşmiş Ştatlarının Prezidentinin Xidmət və Mülki İştirak Şurası tərəfindən Azərbaycanda maliyyə sektorunun inkişafına göstərdiyi dəstəyə görə, habelə Beynəlxalq Maliyyə Korporasiyası və İsveçrənin İnkişaf və Əməkdaşlıq Agentliyi tərəfindən Tacikistantanın ilk Milli Kredit Bürosunun yaradılmasında verdiyi töhfələrə görə tanınıb.
Jerrold Avstriya, Fransa, İsveç və Amerika Birləşmiş Ştatlarının universitetlərində təhsil alıb, həmçinin Tanderberd Qlobal Menecment Məktəbində MBA dərəcəsi əldə edib.
SRİDHAR SRİNİVASAN
Müşahidə Şurasının Üzvü
SRİDHAR SRİNİVASAN
Sridhar “Citigroup” təşkilatı çərçivəsində Asiya, Afrika və Avropa ölkələrində təxminən 30 il fəaliyyət göstərmiş maliyyə mütəxəssisidir. Bu müddət ərzində o, 3 ölkədə Baş İcraçı Direktor, Hindistanda Korporativ Bank bölməsinin müdiri, Afrikada Əməliyyat Xidmətləri üzrə rəhbər və Mərkəzi, Şərqi Avropa, Orta Şərq və Afrika üzrə Bank Xidmətləri qrupunun rəhbəri də daxil olmaqla, əsas ölkə və regional rəhbər vəzifələrini tutaraq müəssisələrin qurulması, böyüdülməsi və inkişaf etdirilməsində iştirak etmişdir. “Citi” təşkilatını tərk etdikdən sonra Sridhar “Oliver Wyman” təşkilatına ortaq və Hindistan bölməsinin rəhbəri olaraq qatılmış və hal-hazırda qlobal idarəçilik sahəsində aparıcı konsaltinq şirkətlərindən birində aparıcı məsləhətçi vəzifəsində çalışır.
Güclü fərdi keyfiyyətləri, şövqü və münasibət qurmaq bacarıqları sayəsində o, müxtəlif mədəniyyətləri və peşə sahələrini özündə ehtiva edən bir çox sayda qalib komanda yaratmışdır.
Hal-hazırda Sridhar startaplardan tutmuş Hindistanın ən böyük şirkətlərinə qədər müxtəlif şirkətlər üçün İdarə Heyətində qeyri-icraçı direktor / məsləhətçi kimi fəaliyyət göstərir.
Onun dərin təcrübəsi və nailiyyətləri ona rəhbərlər və idarə heyəti ilə idarəetmə strategiyası, biznes transformasiyası, idarəetmə, səhmdar maraqları, risk və tənzimləmə uyğunluğu kimi sahələrdə işləməkdə kömək edir.
Eyni zamanda o, erkən mərhələdə olan startaplar üçün aktiv “mələk” investor və mentor olaraq da xidmət göstərir.
Sridhar Hindistanın Mumbay şəhərində yaşayır. Delhi Universitetinin məzunudur və eyni zamanda Təsdiqlənmiş Mühasibdir.
FİSNİK KEPUSKA
Müşahidə Şurasının Üzvü
FİSNİK KEPUSKA
Cənab Fisnik Këpuska 2016-cı ilin iyul ayında FINCA Kosovo-da Finca Impact Finance şirkətinə dörd il müddətinə Baş Maliyyə Rəhbəri kimi işə başlamış və daha sonra 2020-ci ildə FINCA Kosovo-da Baş Əməliyyat Rəhbəri vəzifəsini icra etmişdir. Cənab Këpuska eyni zamanda FINCA Bank Qırğızıstan və FINCA Azerbaijan-ın Müşahidə Şurasının direktoru, eyni zamanda həmin qurumların audit, informasiya texnologiyaları və rəqəmsal maliyyə komitələrinin üzvüdür. Cənab Kepuska Kosovoda və regionda maliyyə və bank sektorunda 24 illik təcrübəyə malikdir. O,dörd il ərzində Bank Ekonomike-nin baş direktorunun müavini vəzifəsində çalışıb. Onun əvvəlki təcrübəsinə həmçinin Raiffeisen Bank Kosovo, New Ljubljana Banka Pristina kimi beynəlxalq banklarda filialların idarə edilməsi, kredit riski, əməliyyat riski, daxili audit daxil olmaqla müxtəlif idarəetmə və rəhbər vəzifələrdə işləmək daxildir.
Digər iş təcrübəsinə Priştina Universitetində marketinq kursu üzrə müəllim köməkçisi, Kosovo Banklar Assosiasiyasının Direktorlar Şurasının sədr müavini, SIGURIA sığorta şirkətində audit komitəsinin üzvü kimi və həmçinin ictimai sektorda bələdiyyə şirkətinin İdarə Heyətinin sədri olaraq işləmək də daxildir.Onun ilk iş təcrübəsi Kosovo Beynəlxalq Biznes Dəstəyi (KBS) layihələrində idarəetmə məsləhətçisi kimi başlamışdır və hazırda gənc sahibkarlar üçün CEED-ə ( İqtisadi və Sosial İnkişaf Mərkəzi (İSİM) )pro bono əsasında konsaltinq xidmətlərini təklif etməyə davam edir.
Cənab Këpuska 2000-ci ildən London İqtisadiyyat və Siyasi Elmlər Məktəbinin (LSE) magistr dərəcəsinə malikdir və Priştina Universitetinin İqtisadiyyat fakültəsinin Sertifikatlı İqtisadçısıdır. Cənab Këpuska alban, ingilis, serb və xorvat dillərini mükəmməl bilir.
MERAL KÜRDAŞ
Müşahidə Şurasının Direktoru
MERAL KÜRDAŞ
Meral Kürdaş 01 Fevral 2023-cü ildən FİNCA Azerbaijan Təşkilatının Direktorlar Şürasının üzvüdür. O karyerasındakı ilk addımı 1985-ci ildə İnterbank-da başlamışdır. O, İstanbul, İzmir və Bursada satış, marketinq, kredit təhlili, nağd pulların idarə edilməsi və filiallar üzrə rəhbərlər kimi bir çox funksiyalarda çalışmışdır. Daha sonra o, Garanti İnvestisiya Bankında satış, marketinq və özəl bankçılıqdan məsul icraçı vitse-prezident vəzifəsində çalışıb. 1996-cı ildə Yapı Kredi Bankına dəyişikliklərin idarə edilməsi və marketinq şöbəsinin müdiri vəzifəsinə keçib və bank işində bir çox inqilabi innovasiya layihələrinə rəhbərlik edib. 2002-ci ildə həyat sığortası və pensiya sektorunun aparıcı şirkəti olan Akemeklilik şirkətinin baş direktoru vəzifəsinə təyin edilmişdir. O, 2007-ci ildə Türkiyədə sənaye sığorta sahəsində dünya liderlərindən biri olan Aviva ilə birləşməsi nəticəsində yaradılan Avivasa şirkətinin baş direktoru olub.
2014-cü ildə Avivasa IPO-dan sonra Sabancı Qrupunun 63.000 əməkdaşın İnsan Resurslarına cavabdeh icraçı komitə üzvü təyin edilmişdir. O, həmçinin Sabancı Qrupunun Aviva İspaniya və 8 ən böyük sənaye şirkətinin İdarə Heyətində yer alıb.
2018-ci ildə təşkilat və dəyişikliklərin idarə edilməsi, insan resursları, planlaşdırma, maliyyə, risk, audit və korporativ idarəetmə sahələrində şirkətlərə məsləhət vermək üçün Busara Consulting menecment konsaltinq firmasını təsis etmişdir.
Hal-hazırda Türkiyənin ən böyük səhiyyə qrupu olan Medical Park Group, ən böyük Qida şirkəti Banvit/BRF və Türkiyənin aparıcı mebel şirkəti Koleksiyon Mobilya-da müstəqil idarə heyəti üzvü və risk komitəsinin rəhbəri kimi fəaliyyət göstərir.
FINCA Qırğızıstanda idarə heyətinin üzvü olub və hazırda FINCA Azerbaijan-ın idarə heyətinin tərkibində yer alır.
O, eyni zamanda İstanbul Erkek Lisesi və Boğaziçi Universitetində və KEDV-də qəyyumluq şurasının üzvüdür.
- Mançester Biznes Məktəbində MBA və Boğaziçi Universitetində Biznesin İdarə Edilməsi üzrə bakalavr dərəcəsi var.
NORBERT BENKER
Müşahidə Şurasının Üzvü
NORBERT BENKER
Norbert Benker inklüziv və davamlı təşkilatların qurulması istiqamətində İcraçı Direktor, Baş Direktor və Əməliyyatlar üzrə Baş Direktor kimi 16 ildən artıq təcrübəyə malikdir. Funksiyaların idarəolunması və mədəniyyətlər arasında çoxtərəfli əməkdaşlığın qurulması sahəsində yüksək bacarığa sahibdir. O, lider kimi etik və dəstəkləyici dəyərlərinə çox sadiqdir.
N. Benker sosial təsir, ESG və mühit dəyişikliyi, sahibkarlıq və özəl sektorun gücündən istifadə etməyə, artan bərabərsizliyi həll etməyə , kapitalizmi yenidən təsəvvür etməyə və maliyyə inklüzivliyinin sərhədlərini genişləndirməyə həvəslidir.
“FINCA AZERBAIJAN”QBKT-nın İDARƏ HEYƏTİ
İdarə heyətimiz müxtəlif iş sahələrindən qaynaqlanan geniş təcrübə, peşəkar bacarıq və səriştələri özündə birləşdirən komandadan ibarətdir.
TİMOTİ TARRANT
“FINCA AZERBAIJAN”ın Ölkə üzrə Direktoru
TİMOTİ TARRANT
FINCA-ya qədər cənab Tarrant Amerika Biznes Mərkəzində Direktor və MCI Maliyyə Korporasiyasında isə Maliyyə Analitiki vəzifələrində iş təcrübəsi qazanmışdır. Timoti Tarrant Rusiya və MDB ölkələri üzrə ümumilikdə 20 illik idarəetmə təcrübəsinə malikdir.
Timoti Tarrant Beynəlxalq Əlaqələr üzrə bakalavr təhsilini Memfis Universitetində, beynəlxalq MBA səviyyəsi üzrə təhsilini isə “Thunderbird School of Global Management” Ali təhsil müəssisəsində almışdır. Bununla yanaşı, Timoti Filadelfiya ştatında yerləşən “American Bankers Association Stonier Graduate School of Banking” məktəbində 3 illik maliyyə, bank işi, menecment və liderlik üzrə təhsil proqramını keçmişdir. O, ingilis və rus dillərində danışır.
Yadulla Rəhimov
Hüquq Depatmanetinin Rəhbəri və Direktorlar Şürasının Korporativ Katibi
Yadulla Rəhimov
Yadulla Rəhimov 2016-cı ilin martında “FINCA Azerbaijan” Təşkilatına Böyük hüquqşünas vəzifəsində qoşulmuşdur. 2016-cı ilin İyun ayından Baş hüquq müşavirinin rəhbərinin vəzifələrini icra etmiş, həmin ilin dekabr ayında Hüquq Departamentinin “Korporativ Hüquqi Dəstək və Yüksək Məhkəmə Işləri” şöbəsinin rəhbəri təyin edilmiş, 01 yanvar 2020-ci il tarixindən Təşkilatın Baş Hüquq Müşaviri və İdarə Heyətinin üzvü təyin edilmişdir.
FINCA-ya qoşulmazdan öncə o, 5 ilə yaxın özəl və dövlət təşkilatlarında müxtəlif vəzifələrdə, o cümlədən Bakı Appelaysiya Məhkəməsində Hakim köməkçisi, Azərbaycan Respublikası Nəqliyyat Nazirliyinin Beynəlxalq Əlaqələr Şöbəsində Baş məsləhətçi, Vijn Fond “AzerKredit”, “Capsian İnvestment and Development” və “AAC” Məhdud Məsuliyyətli Cəmiyyətlərində Korporativ hüquqşünas vəzifələrində çalışmışdır.
Yadulla Rəhimov beynəlxalq hüquq ixtiası üzrə Azərbaycan Respublikası Qafqaz Universitetinin məzunu olmuş, Amerika Birləşmiş Ştatlarında “Hüquqi sənədləşmə”, Böyük Britaniyada “Müqavilələr hüququ” üzrə qısa müddətli praktiki kursları müvəffəqiyyətlə tamamlamış, dövlət qulluğunda “2-ci dərəcəli dövlət qulluqcusu” statusunu əldə etmişdir. O, ingilis və rus dillərində danışır.
Zaur Nurməmmədov
Baş Əməliyyat Meneceri
Zaur Nurməmmədov
Zaur Nurməmmədov 2005-ci ilin oktyabr ayında “FINCA Azerbaijan”-da Xüsusi Layihələr üzrə Koordinator vəzifəsində işə başlamışdır. 2009-cu ilin Dekabr ayında O, İnzibati Departamentin rəhbəri təyin olunmuş, 2010-cu ilin Sentyabr ayında isə Marketinq Meneceri olaraq Marketinq Departamentinin qurulması və idarə edilməsi ona həvalə edilmişdir. O, 2019-cu ilin noyabrından etibarən Baş Əməliyyat Meneceri vəzifəsi səlahiyyyətlərini icra etməyə başlamış, 2021-ci ilin iyun ayından isə təşkilatın Baş Əməliyyat Meneceri təyin olunmuşdur.
FINCA-ya qoşulmazdan əvvəl o, “Care International” və Beynəlxalq Xilasetmə Komitəsi kimi beynəlxalq humanitar təşkilatlarda informasiya sistemlərinin idarə olunması, icma inkişafı, monitorinq və qiymətləndirmə sahələrində müxtəlif vəzifələrdə çalışmışdır.
Zaur Nurməmmədov Türkiyənin İzmir şəhərindəki Ege universiteti və Ərzurum şəhərindəki Atatürk universitetlərində informasiya texnologiyaları və ictimaiyyətlə əlaqələr sahələrində təhsil almışdır.
Azərbaycan, Türk, İngilis və Rus dillərində danışır.
Şəhriyar Osmanov
Baş Kommersiya Rəhbəri
Şəhriyar Osmanov
Şəhriyar Osmanov 2021-ci ilin Sentyabr ayında “FINCA Azerbaijan” təşkilatında Baş Kommersiya Rəhbəri olaraq işə başlamışdır. Bu təyinatdan əvvəl O, 2013-2018-ci illər ərzində “FINCA Azerbaijan”-da Regional Əməliyyat Meneceri vəzifəsini icra etmiş və yeni yaradılmış Şərq regionunda biznes əməliyyatlarının idarə edilməsi və filial şəbəkəsinin genişlənməsi, həmçinin geriyığım bölməsinin qurulması istiqamətində çalışmışdır. Şəhriyar Osmanov “FINCA Azerbaijan”-a qoşulmadan əvvəl həm ölkə ərazisində, həm də Rusiya Federasiyası və Türkiyə Respublikasında bank sektorunda müxtəlif departamentlərdə menecer vəzifəsində olmuş, həmçinin fərqli dövrlərdə real sektor şirkətlərində investisiya, maliyyə və əməliyyat strukturlarında çalışmışdır.
O karyerası boyunca yeni biznes bölmələrinin və strukturlarının qurulmasında və inkişaf etdirilməsində təcrübə qazanmış, avtomatlaşdırma, risklərin idarə edilməsi, xərc kontrolu, biznes proseslərin optimallaşdırılması, təlim və inkişaf layihələrinin həyata keçirilməsində iştirak etmişdir.
Şəhriyar Osmanov, İqtisadiyyat və İdarəetmə sahəsində Türkiyə Respublikasının Yıldız Teknik Universitetində Magistr dərəcəsinə və Anadolu Universitetində Bakalavr dərəcəsinə yiyələnmişdir.
O, İngilis, Rus, Türk dillərini bilir.
“FINCA IMPACT FINANCE”-IN QLOBAL RƏHBƏRLİYİ
“FINCA Impact Finance” təşkilatının rəhbərliyi 12000-dən çox insanı əhatə edən qlobal təşkilatı idarə edir