Rəhbərlik

Zar Wardak hazırda FINCA Impact Finance-in Şərq bölgəsi üzrə vitse-prezidenti və şöbə müdiridir və O, şəbəkənin Şərqi Avropa, Orta Şərq və Cənubi Asiya bölgələrindən 7 ölkədəki fəaliyyətinə rəhbərlik edir. Diviziya rəhbəri vəzifəsinə başlamazdan əvvəl Zar, Orta Şərq və Cənubi Asiya Bölgəsi üzrə Regional Direktor vəzifəsində çalışmış və digər uğurlarından başqa, hazırda FINCA Pakistanın 100.000-dən çox bank müştərisi tərəfindən istifadə olunan “SimSim” mobil cüzdan tətbiqinin istifadəyə verilməsinə kömək etmişdir.

Zar Wardak, eyni zamanda FINCA Əfqanıstanın baş direktoru vəzifəsində çalışmışdır. FINCA-ya qoşulmazdan əvvəl Zar, Əfqanıstanda maliyyə xidmətləri sənayesi məsləhətçisi olaraq çalışmış və eyni zamanda ABŞ-da Citibankda Texas Regional Satış İnteqrasiya Direktoru vəzifəsində çalışmışdır. Kanzasdakı Southwestern Kollecində Beynəlxalq Biznes üzrə bakalavr və Virciniya Fairfaksdakı George Mason Universitetində Sülh Əməliyyatları üzrə Elm Magistr dərəcəsi almışdır.

Jerrold sürətli iqtisadi inkişafla məşğul olan maliyyə müəssisələrində strateji inkişafın təşviqi üçün cavabdehlik daşıyıb və iqtisadi tənəzzül, kəskin yerli valyuta devalvasiyaları və sektor daxilində qeyri-işlək kreditlər kimi ölkədaxili əməliyyat problemlərini aradan qaldırmaq üçün struktur dəyişikliklərin həyata keçirilməsi prosesinə rəhbərlik edib.

O, Amerika Birləşmiş Ştatlarının Prezidentinin Xidmət və Mülki İştirak Şurası tərəfindən Azərbaycanda maliyyə sektorunun inkişafına göstərdiyi dəstəyə görə, habelə Beynəlxalq Maliyyə Korporasiyası və İsveçrənin İnkişaf və Əməkdaşlıq Agentliyi tərəfindən Tacikistantanın ilk Milli Kredit Bürosunun yaradılmasında verdiyi töhfələrə görə tanınıb.

Jerrold Avstriya, Fransa, İsveç və Amerika Birləşmiş Ştatlarının universitetlərində təhsil alıb, həmçinin Tanderberd Qlobal Menecment Məktəbində MBA dərəcəsi əldə edib.

Sridhar “Citigroup” təşkilatı çərçivəsində Asiya, Afrika və Avropa ölkələrində təxminən 30 il fəaliyyət göstərmiş maliyyə mütəxəssisidir. Bu müddət ərzində o, 3 ölkədə Baş İcraçı Direktor,  Hindistanda Korporativ Bank bölməsinin müdiri, Afrikada Əməliyyat Xidmətləri üzrə rəhbər və Mərkəzi, Şərqi Avropa, Orta Şərq və Afrika üzrə Bank Xidmətləri qrupunun rəhbəri də  daxil olmaqla, əsas ölkə və regional rəhbər vəzifələrini tutaraq müəssisələrin qurulması, böyüdülməsi və inkişaf etdirilməsində iştirak etmişdir. “Citi” təşkilatını tərk etdikdən sonra Sridhar “Oliver Wyman” təşkilatına ortaq və Hindistan bölməsinin rəhbəri olaraq qatılmış və hal-hazırda qlobal idarəçilik sahəsində aparıcı konsaltinq şirkətlərindən birində aparıcı məsləhətçi vəzifəsində çalışır.

Güclü fərdi keyfiyyətləri, şövqü və münasibət qurmaq bacarıqları sayəsində o, müxtəlif mədəniyyətləri və peşə sahələrini özündə ehtiva edən bir çox sayda qalib komanda yaratmışdır.

Hal-hazırda Sridhar startaplardan  tutmuş Hindistanın ən böyük şirkətlərinə qədər müxtəlif  şirkətlər üçün İdarə Heyətində qeyri-icraçı direktor / məsləhətçi kimi fəaliyyət göstərir.

Onun dərin təcrübəsi və nailiyyətləri ona rəhbərlər və idarə heyəti ilə idarəetmə strategiyası, biznes transformasiyası, idarəetmə, səhmdar maraqları, risk və tənzimləmə uyğunluğu kimi sahələrdə işləməkdə kömək edir.

Eyni zamanda o, erkən mərhələdə olan startaplar üçün aktiv “mələk” investor və mentor olaraq da xidmət göstərir.

Sridhar Hindistanın Mumbay şəhərində yaşayır. Delhi Universitetinin məzunudur və eyni zamanda Təsdiqlənmiş Mühasibdir.

Fisnik Kepuska ilk olaraq 2016-cı ildə Baş Maliyyə Meneceri kimi FINCA Kosovo təşkilatına qoşulmuşdur və daha sonra FINCA Kosovada Baş Əməliyyat Meneceri vəzifəsinə keçmişdir. Əlavə olaraq, FINCA Impact Finance səviyyəsindəki əməliyyat vəzifələri çərçivəsində FINCA -nın Azərbaycan, Tacikistan və Qırğızıstandakı törəmə şirkətlərində İcraçı İdarəetmə komandasına dəstək verir. O, “FINCA Azərbaycan”ın Müşahidə Şurasının üzvüdür və FINCA Bank Qırğızıstanın Direktorlar Şurasının üzvüdür.

Kosovada Raiffeisen Bank Kosovo, Nova Ljubljanska kimi beynəlxalq banklarda filial rəhbərliyi, kredit & əməliyyat riski, daxili audit şöbəsi kimi idarəetmə pozisiyalaırnda çalışmış cənab Kepuska Kosovanın maliyyə və bank sektorunda 20 illik peşəkar təcrübəyə malikdir. Həmçinin, Fisnik Kepuska dörd il Banka Ekonomike təşkilatında İcraçı Direktorun müavini vəzifəsini icra etmişdir.

Digər iş təcrübələrinə Priştina Universitetində Marketinq kurslarında tədris köməkçisi, Kosovo Banklar Asossasiyasında İdarə Heyəti sədrinin müavini, SİGURİA sığorta təşkilatında audit komitəsinin üzvü, həmçinin bələdiyyə tullantılarının idarə edilməsi təşkilatı kimi dövlət təşkilatında Direktorlar Şurasının sədri vəzifələri daxildir, Cənab Kepuska öz ilk iş təcrübəsinə USAID təşkilatının Kosovoda Biznesə Dəstək layihəsində məsləhətçi kimi başlamış və hazırda da gənc sahibkarlar üçün CEED çərçivəsində pulsuz məsləhət xidmətləri təklif etməkdədir.

Fisnik 2000-ci ildə London İqtisadi və Siyasi Elmlər Məktəbindən magistr dərəcəsi, 1997-ci ildə Priştina Universitetinin İqtisadiyyat fakültəsində bakalavr dərəcəsi əldə etmişdir. Fisnik sərbəst şəkildə alban, ingilis, serb və xorvat dillərində danışır.

Meral Kürdaş 01 Fevral 2023-cü ildən FİNCA Azerbaijan Təşkilatının Direktorlar Şürasının üzvüdür. O karyerasındakı ilk addımı 1985-ci ildə İnterbank-da başlamışdır. O, İstanbul, İzmir və Bursada satış, marketinq, kredit təhlili, nağd pulların idarə edilməsi və  filiallar üzrə rəhbərlər kimi bir çox funksiyalarda çalışmışdır. Daha sonra o, Garanti İnvestisiya Bankında satış, marketinq və özəl bankçılıqdan məsul icraçı vitse-prezident vəzifəsində çalışıb. 1996-cı ildə Yapı Kredi Bankına dəyişikliklərin idarə edilməsi və marketinq şöbəsinin müdiri vəzifəsinə keçib və bank işində bir çox inqilabi innovasiya layihələrinə rəhbərlik edib. 2002-ci ildə həyat sığortası və pensiya sektorunun aparıcı şirkəti olan Akemeklilik şirkətinin baş direktoru vəzifəsinə təyin edilmişdir. O, 2007-ci ildə Türkiyədə sənaye sığorta sahəsində dünya liderlərindən biri olan Aviva ilə birləşməsi nəticəsində yaradılan Avivasa şirkətinin baş direktoru olub.

2014-cü ildə Avivasa IPO-dan sonra Sabancı Qrupunun 63.000 əməkdaşın İnsan Resurslarına cavabdeh icraçı komitə üzvü təyin edilmişdir. O, həmçinin Sabancı Qrupunun Aviva İspaniya və 8 ən böyük sənaye şirkətinin İdarə Heyətində yer alıb.

2018-ci ildə təşkilat və dəyişikliklərin idarə edilməsi, insan resursları, planlaşdırma, maliyyə, risk, audit və korporativ idarəetmə sahələrində şirkətlərə məsləhət vermək üçün Busara Consulting menecment konsaltinq firmasını təsis etmişdir.

Hal-hazırda Türkiyənin ən böyük səhiyyə qrupu olan Medical Park Group, ən böyük Qida şirkəti Banvit/BRF və Türkiyənin aparıcı mebel şirkəti Koleksiyon Mobilya-da müstəqil idarə heyəti üzvü və risk komitəsinin rəhbəri kimi fəaliyyət göstərir.

FINCA Qırğızıstanda idarə heyətinin üzvü olub və hazırda FINCA Azerbaijan-ın idarə heyətinin tərkibində yer alır.

O, eyni zamanda İstanbul Erkek Lisesi və Boğaziçi Universitetində və KEDV-də qəyyumluq şurasının üzvüdür.

• Mançester Biznes Məktəbində MBA və Boğaziçi Universitetində Biznesin İdarə Edilməsi üzrə bakalavr dərəcəsi var.

Norbert Benker inklüziv və davamlı təşkilatların qurulması istiqamətində İcraçı Direktor, Baş Direktor və Əməliyyatlar üzrə Baş Direktor kimi 16 ildən artıq təcrübəyə malikdir. Funksiyaların idarəolunması və mədəniyyətlər arasında çoxtərəfli əməkdaşlığın qurulması sahəsində yüksək bacarığa sahibdir. O, lider kimi etik və dəstəkləyici dəyərlərinə çox sadiqdir.
N. Benker sosial təsir, ESG və mühit dəyişikliyi, sahibkarlıq və özəl sektorun gücündən istifadə etməyə, artan bərabərsizliyi həll etməyə , kapitalizmi yenidən təsəvvür etməyə və maliyyə inklüzivliyinin sərhədlərini genişləndirməyə həvəslidir.