5 may 2025-ci ildə FINCA Azerbaijan, Marketinq Departamentinin rəhbəri Ləman Səfərli II Beynəlxalq Aqrar İnnovasiya Forumunda iştirak edib. Forum, 18-ci Azərbaycan Beynəlxalq Kənd Təsərrüfatı Sərgisi çərçivəsində təşkil edilib.

Çıxışında Ləman Səfərli, Kənd Təsərrüfatı Sığorta Fondu ilə əməkdaşlıq çərçivəsində təqdim olunan Kənd Təsərrüfatı Sığortalı Kredit məhsulu, eləcə də Kənd Təsərrüfatının Kredit və İnkişaf Agentliyi (AKİA) vasitəsilə təqdim edilən digər kredit məhsulları haqqında ətraflı məlumat verib.

O, eyni zamanda FINCA Azerbaijan-ın kənd yerlərində maliyyə savadlılığının artırılması istiqamətində həyata keçirdiyi maarifləndirici təşəbbüsləri də vurğulayıb.

Forum kənd təsərrüfatında innovasiya və dayanıqlı inkişafın təşviqi baxımından mühüm platforma rolunu oynayıb. Eyni zamanda, maliyyə inklüzivliyinin genişlənməsinə və bilik mübadiləsi üçün dəyərli imkanların yaradılmasına töhfə verib.