“FINCA INTERNATİONAL” təşkilatının QLOBAL MİSSİYASI insanlara vəsaitlərini artırmağa, yeni iş yerləri açmağa və həyat şəraitlərini yaxşılaşdırmağa imkan verən uzun müddətli həll yolları vasitəsilə yoxsulluğu azaltmaqdır.

“FINCA IMPACT FINANCE”-ın MƏQSƏDİ qeyri-ənənəvi icma-əsaslı bank olaraq, aztəminatlı insanlar və icmalar üçün gələcək həyatlarına sərmayə qoymaq imkanı yaratmaq məqsədi ilə sərfəli və məsuliyyətli şəkildə innovativ və effektiv maliyyə xidmətləri göstərməkdir.

Əsası 1998-ci ildə qoyulmuş “FINCA Azerbaijan” Qeyri-Bank Kredit Təşkilatı “FINCA Impact Finance” təşkilatına aid olan 18 bank və mikromaliyyələşmə institutu ilə 5 qitədə 2.6 milyon müştəriyə çatan qlobal şəbəkənin tərkibinə daxildir. “FINCA Azerbaijan” QBKT məsuliyyətli maliyyələşmə sahəsində aparıcı mövqeyə malikdir və gəlirli biznes fəaliyyətlərini təşviq edən kredit məhsulları ilə ölkədə fəaliyyət göstərən kiçik sahibkarlara xidmətlər göstərməkdədir. “FINCA Azerbaijan”QBKT kənd təsərrüfatı fəaliyyəti ilə məşğul olan sahibkarların imkanlarının artırılmasını vacib vəzifələrindən biri hesab edir.