Müraciət tarixi: 08/02/2022 - 15/02/2022
İş yeri: Baş ofis
Vəzifə: MÜŞTƏRİ ƏLAQƏLƏRİNİN İDARƏ EDİLMƏSİ ÜZRƏ İŞÇİ
Hal-hazırda “FINCA Azerbaijan” Qeyri-Bank Kredit Təşkilatı Müştəri Əlaqələrinin İdarə Edilməsi üzrə İşçi vəzifəsinə işçi axtarışı elan edir.
Rol haqqında
CRM üzrə işçinin əsas öhdəlikləri müştərilərə mümkün qədər tez xidmət göstərilməsini təmin etmək üçün Çağrı Mərkəzini idarə etmək və müştəri xidmətləri göstərən digər qruplar ilə koordinasiyanı təmin etməkdir.
Vəzifə sahibi Əməliyyat Şöbəsi, Hüquq Şöbəsi ilə yaxından əməkdaşlıq edərək “FINCA Azerbaijan”-nın Müştəri Əlaqələrinin İdarə Edilməsi strategiyasını və Müştəri Şikayətlərinin İdarə Edilməsi mexanizmini təkmilləşdirmək üçün uyğun rəhbərliyə dəstək göstərir.
Vəzifənin əsas öhdəlikləri hansılardır?
- Təşkilatın Qaynar Xəttinə daxil olan müştəri sorğularının cavablandırılması və qeydiyyatı
- Qaynar xəttə daxil olan müştəri sorğularının aidiyyatı şöbələr ilə əməkdaşlıq edilərək araşdırılması və həllinin izlənməsi
- Təşkilata daxil olan müştəri məktublarının araşdırılması və cavablandırılması prosesinin koordinasiya edilməsi
- Sosial Media kanallarından, mail üzərindən daxil olan müştəri sorğularının cavablandırılması
- Marketinq şöbəsinə müştəri rəylərinin toplanması və analiz fəaliyyətlərində dəstək göstərilməsi
- Müştəri sorğularının keçirilməsində aktiv iştirak
Namizəddən gözləntilərimiz
- Bakalavr dərəcəsi (əlaqəli sahədə)
- MS Office proqramları bilikləri, Sosial Medya kanallarından istifadə bacarığına sahib olmaq
- Yüksək səviyyədə ünsiyyət bacarıqları
- Müstəqil və komanda daxilində işləmək bacarığı
- Operativ qərarmə bacarığı
- Dil Bilikləri: Azərbaycan dilində səlis danışıq və yazı qabiliyyətinə malik olmaq
Seçimlərdə növbəti addımlar
Əgər bu rol sizin üçün maraqlıdırsa və qlobal standartlara malik olan və savadlı kadrlar ilə əhatə olunan şirkət mühitində işləmək, inkişaf etmək, vəzifə daxilində məsuliyyəti öz üzərinizə götürmək, işinizə sahiblənmək kimi fəaliyyətlər sizi maraqlandırır və həyəcanlandırırsa, onda
müraciət etmək üçün âaşağıdakı “ONLAYN ƏRİZƏ FORMASI” düyməsinə basın, 15 Fevral, 2022 (günün sonu) tarixindən gec olmamaq şərtilə CV-nizi əlavə edin və HR komandamızdan xəbər almağı gözləyin!
Müraciətinizi həmçinin recruitment@fincaazerbaijan.com elektron ünvanına CV-nizi əlavə etməklə və Subject/Mövzu hissəsində Müştəri Əlaqələrinin İdarə Edilməsi üzrə İşçi (Baş Ofis) qeyd etməklə 15 Fevral 2022-ci il tarixindən (günün sonu) gec olmamaq şərtilə göndərə bilərsiniz.
Müraciətlərinizi qeyd olunmuş son tarixədək etməyi çalışın. Çünki prosesin şəffaflığı və səmərəliliyini təmin etmək üçün müraciətlərin rəsmi son tarixindən sonra alınan müraciətlər qəbul olunmayacaq.
Vakansiyanın əsas tələblərinə uyğun olan namizədlərlə “FINCA Azerbaijan” HR komandasının müvafiq əməkdaşları əlaqə saxlayıb, vakansiya üzrə Seçim prosesini izah edib, lazımi dəstək göstərəcəklər.
“FINCA Azerbaijan” haqqında
“FINCA Azerbaijan” icma əsaslı 19 mikromaliyyə institutu və banka sahib “FINCA Impact Finance” şəbəkəsinin bir hissəsidir və Azərbaycanda 1998-ci ildən bəri fəaliyyət göstərir. Bu qlobal şəbəkə aşağı gəlirli müştərilərin və icmaların öz gələcək həyatlarına yatırım etmələri üçün onlara yenilikçi, məsuliyyətli və əsaslı təsir imkanları olan maliyyə xidmətləri təklif edir. “FINCA Azerbaijan” ölkənin aparıcı mikromaliyyə təşkilatı olaraq kiçik sahibkarların gəlirlərini artırmasını təşviq etmək niyyətilə onlara müxtəlif kredit məhsulları təklif edir. “FINCA Azerbaijan” kənd təsərrüfatı üzrə kreditlərin verilməsinə daha çox önəm verir.